今天 Tesla 結婚花車接新娘的地方是尖沙咀富豪酒店，新郎好醒目，一早知道酒店正門不能停車 (以我嘅經驗這間酒店有時唔好講話喺酒店門口停車，就連入去都要等好耐)，所以新郎叫我停泊在尖東噴水池旁邊等候。本來約了7:30在尖東噴水池旁等候，當我揸車到海港城外面是，突然收到新來的電話問我可唔可以早啲到達，好彩今朝早預多咗時間出門所以7:15就到達尖東噴水池。平時這裏的等候區一定比啲泥頭車及旅遊巴霸晒啲位，好彩今朝出門的時間早所以好多車位隨意停泊。

 

幫新郎處理結婚花車佈置時，才發現他們給我的花車佈置同我們公司所提供的完全一樣。新郎和兄弟在花車前影了大約30分鐘後，就同我講佢哋9:00先會落返嚟，叫我可以去食個早餐。有時佢哋簡單同我講一句我真係可以輕鬆好多，之後我就去咗美心快餐食個豐富早餐，食飽後做嘢都醒神啲。9:00左右新郎、新娘及啲兄弟姊妹落嚟影相，影咗一陣啲姊妹已經係話好熱搵地方匿埋，睇見兩位新人就真係非常辛苦，尤其是新郎，見到佢件禮服又係黑色、又有煲呔、又有馬甲，真係如果喺中午影多陣都會中暑。影完相後佢哋上車行大運時上到 Tesla 結婚花車立即叫我開盡個冷氣，其實佢哋都涼唔到幾耐，由於佢哋好趕時間要上返去酒店，本來打算去的旺區北京道及廣東道等行大運最後都冇去。只係去到前邊燈口就轉返尖東噴水池，前後200米都唔夠。同新郎呃過手及講啲恭賀說話後咁就收工了。