由朝到晚的廣告及電影拍攝工作

到了11月 天氣都變得涼爽少落雨,因此現在都是傳統結婚旺季的開始, 隨着疫情過去社會商業運作開始重回正常,一些商業拍攝的活動也隨着增加。其實之前也參與過不少的電影或廣告拍攝的工作,但一天連續兩個拍攝工作就比較少。 其實我都幾鍾意做拍攝工作的訂單,因為其實到達後都唔使點做,主要工作都係負責睇住架車同埋協助工作人員安裝拍攝器材。反而係之前接訂單的同事會比較多嘢做,因為會有好多因素去影響拍攝的工作因此拍攝的時間及日期經常都會改變,每當出現改變的時候又有可能會影響之前訂單的車輛調配調配, 因此訂單改變五六次絕不稀奇。

今朝按照原定的時間去到灣仔準備拍攝,雖然我已經係早到5分鐘,但拍攝團隊已經一大班人喺度食住早餐等我, 我也覺得有點不好意思怕是自己遲到。 他們一班工作人員效率非常高,每個人都有自己集中工作的崗位。差不多只需10分鐘就把所有拍攝器材安裝好。今天的演員其實本身自己都是駕駛 Tesla Model S 的, 只要簡單的指導他就能夠掌握這架 Tesla Model X 的操作。 而且這位男演員有禮貌又靚仔, 在工作完成後我都忍唔住同佢自拍一張,返到屋企可以同老婆炫耀一下。

 

聽聞最左手面藍色衫的男人是拍攝電影工作非常有地位的人,我見在場的工作人員都對他十分尊敬, 工作人員每做完一樣嘢都要通知他去核實,我諗佢應該是監製的位置。

 

早上大半日都在露天的地方工作,到了晚上可以轉戰室內。 客人租用了 Porsche Taycan 來拍攝,不知是否已經到了晚上還是拍攝廣告的關係,晚上的拍攝工作都比較悠閒。