今日的結婚花車去到天水圍柏慧豪園女家接新娘出門，新郎在樓下已經預留了自己的車位給我的花車使用。正當我停泊好花車預備落車等候的時候，好快有個阿叔過來叫我把花車掉轉停泊。當時我都唔明白，我仲同佢講話兩邊仲有好多位新人一陣出入都好方便，而且攝影師拍攝新人上車到會靚啲方便啲。佢之後同我解釋話原來計個新人的時辰八字，主花車一定要向這個方向才可對新人好。佢仲話以前啲人結婚都會計算這個問題，係而家啲人先至唔理。我諗翻起以前睇戲啲大雄花轎真係好似要擺好方向新娘才會上花轎。我過去問新郎確定這真的是他們的意思後，就把結婚花車掉轉停泊。冇問題只要係新人的要求，花車停泊那一個方向都冇問題。真係冇諗過揸咗咁耐花車到而家仲學到野。最搞笑係攝影師一落到黎見到就問我點解將架花車泊成咁，我又要再同佢解釋一次這是新人的意思。