好多人認為喜慶日子都係鍾意大紅大紫顏色，以前在文章中提過紅色結婚花車其實比較少新人租用，因為紅色車身好容易就同新娘裙褂裝飾撞色。但奇怪地踏入2022年，多咗好多新人結婚選擇租用紅色結婚花車，當中原因我想會對新人都不同，但應該都不外乎係啲吉利風水嘅問題。可能啲結婚擇日書籍記載今年特別有利紅色 。

 

 

 

 

平時紅色 Tesla Model S都係擺喺度多過做嘢，老細都話入錯貨想賣咗佢。但係突然之間上半年多咗好多紅色車嘅訂單，老闆都問我係唔係多咗向客人推介這一款車! 其實我一向都好少特別介紹任何一款車給客人，我都係將可供租用的車款全部告知客人選擇。但由於我們紅色的結婚花車只有一部，現在客人好多時想租紅色花車，反而都因為有其他客人預訂了，我們都提供唔到服務。因為客人的反應熱烈公司也因應客人的需要準備購買多一部紅色Tesla Model X給客人租用， 同時也準備把一部28座旅遊巴車身改裝成紅色給客人租用，希望客人能”紅爆”自己的結婚大日子。