今天的結婚花車工作真的可以算是”臨危受命”，收到租用通知至使用花車都不到15小時。事情是昨天下午突然間收到行家的來電，查詢我們有沒有白色的結婚花車明天可使用。詢問更多資料後才知道原來行家的古董花車剛剛被的士撞到，所以他需要幫客人找代替的花車。由於客人有自家製的花車佈置公仔已經俾咗行家，所以約了行家今天在真人出門的地方交收。今天早上同行家都有傾有講，原來他的花車是一架光剛的古董花車，不幸地被的士攔腰撞凹，雖然傷勢不是太重，應批灰油油都可以整返，好彩沒有傷到零件，否則訂零件都唔知要幾多時間，但現在就起碼幾個星期都做唔到嘢。雖然大家係第一次見，佢都留咗喺度個幾鐘，大家都分享左好多花車嘅經驗及有趣事，因此等新人出門的時間都過得很快。花車路程是由觀塘去鴨脷洲，除了在銅鑼灣有少少塞車外其他都好順利，結婚花車去到海洋公園附近，新娘突然話唔見咗隻金鈪。他們在車上搵了一會，又討論會否留在其他地方，新娘有越來越驚慌及不知所措。我就同佢哋講”會唔會隻大金鈪食咗隻細金鈪”，好快新娘就發現是兩隻金鈪套在一起。佢問我點解知，因為我唔係第一次見到這種情況。去到男家，等左一陣，同D兄弟傾吓計研究下架車就完成工作。我最後仲收到封大利是，就是提早一個鐘放工。

祝宋生宋太新婚快樂 ~~ 而且希望行家嚟㗎古董結婚代替古董花車工作快啲整返好，你架車影相真係幾好睇嘅 🙂