前幾日520好多人說是示愛的好日子，計我話今天5月22日應該係這一年數一數二的結婚的好日子，也是對我們公司好有考驗的一日。 因為今天全公司的所有出租花車、28座小巴及60座大巴都需要外出進行結婚車輛的工作，而且有幾㗎結婚花車也背負著兩次的結婚花車工作任務。我知道有花車同事入元朗錦綉花園接新人出旺角之後又要立即返回元朗接載下一位新人 。所以喺聯絡客人方面我們必須加倍小心，因為在這緊密的行程下絕對不能容許有任何溝通上的誤會或者出錯，幸運地我們公司每一位司機都非常專業，所以最後我們每一位客人也能圓滿地完成今天的大日子的結婚出門行程。

 

 

我也好幸運今天主要的行程都是在香港島進行，在行程上可以省卻很多車程的時間。今天早上到金鐘萬豪酒店接載第一位客。客人的男家在北角凱悅君綽酒店，由於行車的時候落了一陣驟雨，因此到達酒店後除了要幫花車安裝公仔及花車裝飾也要替車輛 清潔一下。以我的經驗金鐘萬豪酒店不是新人選擇出門的熱門酒店，所以到達後職員都可以安排一個很好的位置給花車停泊。 過咗一陣見到我們公司的28座也較預定的時間早來到酒店，同這位將司機討論了一陣的行車路線行之後， 兄弟姊妹及新人就開始落嚟影相， 接著就出發去男家的酒店。

 

去到北角君綽海逸酒店情況就完全唔同，酒店門外有大約十架花車正在等候，每一個花車司機也進入作戰狀態，準備隨時移動花車到最佳上落的位置停泊，我見到有些車輛的擋風玻璃已經貼了違例泊車的告票，我也見到有一兩個警察正在抄牌。可能就是這原因 酒店門前竟然有一個好靚的圍位置給我停泊，攝影師見到都俾個like我，之後讓攝影師慢慢地拍攝新人落車的情況後我第一位客人的花車出門工作就順利完成了。

 

 

而今天第二位客人出門的酒店都是在金鐘，但位置就高一點，就是港島香格里拉酒店。這間酒店我想大家也不會陌生，之前很多居住港島區的客人都會選擇這間酒店作為男家或女家的酒店。到達酒店時同大堂門外的服務員打個招呼，其實佢都已經認得我， 我話客人已經開始落緊樓， 但由於門外的車太多，佢叫我轉個圈返嚟留個頭位畀我，我就揸架車出去兜多個圈再入酒店，前後都不用一分鐘，佢就真係留咗個頭位畀我，我諗呢啲就真係高級酒店嘅服務。

新人連同一位兄弟及一位姊妹上車後， 佢哋沿途喺車廂內的心情都好似十分輕鬆及愉快，大家有講有笑一點也沒有緊張及趕時間的感覺。但我就在這短短十多分鐘的路程非常認真及緊張，因為中環去西半山的道路又斜又窄，稍一不慎行錯路口可能要行好耐先至返到嚟，好彩自己事先做咗準備，所以最後都順利到達男家。新郎哥話佢哋喺上面食完飯先落嚟，大約兩個小時叫我可以揸車出去食飯。揸咗成日車我都唔想再揸車出去，所以把車輛停泊在新郎哥為我預備的車位就步行出去。在西半山要搵間餐廳都真係唔容易，好彩得到保安哥哥的指引下行咗十分鐘去香港大學的餐廳食午飯。

 

 

我今次都是第一次進入香港大學的校園範圍內， 同其他大學有啲唔同，可能香港大學的歷史最悠久，因此大學內保存好多殖民地時代的建築物，其實在大學內的環境拍攝結婚照片效果應該也不錯。行咗好耐終於搵到間大學餐廳，餐廳裏的食物四十幾蚊一個午餐而且質素也不錯，唔怪之得星期六成間餐廳都逼滿人，也令我想起以前返大學喺canteen食飯的無憂無慮日子。差不多夠鐘了，這天最後一段行程就是由西半山去中環大會堂，其實我自己幾欣賞喺中環大會堂註冊結婚，因為有城市的熱鬧又有寬闊的環境及海景，大會堂門外也有兩相對新人正在拍攝相片及準備註冊，充滿愉快心情及快樂笑容的新人同我道別後，我這天的工作又完成了，有時快樂的心情都真係會傳染的，見到佢哋咁開心自己揸車返去嘅時候都會搵啲開心嘅歌聽下。