在留意天氣報告預測下，我已知道花車工作當天的天氣會非常差，怎料到在凌晨三四點已經被不停的閃電及大雨吵醒。到早上7:00開始要駕駛花車去紅磡海逸君綽酒店，雖然雨勢比凌晨的時候已經不算太大，但駕車時的視野也是非常模糊，只好打醒精神去駕駛 Tesla 花車。駕駛途中沿途多個路段已經有的水浸情況，當淺起水花時感覺自己像駕駛快艇一樣。有驚無險準時到達酒店等候。

 

由於疫情及惡劣激情天氣情況下，酒店大堂幾乎沒有任何人。就連平時在酒店大堂門口控制車輛停泊的員工也不知所終了。我自己也多次來到這間酒店作花車工作，所以也清楚花車泊車的規矩。泊好車後聯絡兄弟，佢話太大雨唔會落嚟影相，叫我如果冇落雨就通知佢哋。我心諗今日真係冇乜機會停雨，點知等咗大約30分鐘雨勢真係減少咗好多。立即聯絡兄弟及問佢哋要唔要出來影相，原來佢哋已經喺酒店大堂度影相，所以他們可以立即出來。

 

突如其來的好天氣令大家也意想不到，攝影師也提醒大家要珍惜短暫的好天氣快啲影相。由於好天氣突如其來，所以整個酒店大堂停車場也沒有其他新人拍攝及其他車輛阻擋。攝影師同大家講好難得可以成個場玩晒，兄弟姊妹聽到攝影師的說話後也非常雀躍。攝影師提議新人近鏡可以慢慢影而家趁冇遮擋先影一些遠鏡頭。我之前多次到來這間酒店工作，喺呢一間酒店出門真係好難得好似今天這樣沒有車，平時的士及結婚旅遊巴在店門外上落不停。現在攝影師可以由另外一邊跨過噴水池影過來。

拍攝完 Tesla 結婚花車的相片後，攝影師建議去海旁影相。他們出發去海旁後大約20分鐘與又開始再下雨。兄弟姊妹及其他工作人員飛快地跑回酒店，眼見其他人已經回到酒店避雨但新娘新郎仍然未回來。後來他們慢慢行回來的時候手拿着出門用的紅色雨傘，原來這把平時用來作為傳統禮儀的紅雨傘也會有他實用的機會。

 

跟住就要接送新人去行禮的地方，他們在車上仍然高興地討論着剛剛在這短短的好天氣仍能拍攝照片的情況。雖然拍攝相片的時間很短，但在他們的言語之間也已經感覺到他們已經很心滿意足。到達了港島區後天氣也好了不少，新人報進了教堂準備後，我這天的結婚花車租借工作也順利完成了。