通常花車一日只可以為一對新人提供服務，因為大多數出門的時間都在早上，但今日可以為兩對新人提供結婚花車服務，因為有一次在晚上出門。

最初收到客人的電話要在晚上10點40分花車租車服務，當時真係覺得好奇怪，但客人很快便全數支付費用，可能因為他已經被其他花車公司拒絕，講真咁夜真係搵唔到司機。他前後很多次叮囑我一定要準時，令我覺得更加奇怪，於是我自己也在網上找一些晚上出門的資料，但睇完之後仲驚，又走去睇吓通勝研究一下當日是否適合出門。在眾多個疑問之下，唯有打電話問清楚客人為什麼這麼夜出門。經過客人的解釋後才清楚事情，原來他們都是國內的同胞(在電話中也可以聽得出)，在國內只要夾啱新人八字，就算是凌晨都可以出門，就正如他們會下午擺酒一樣，這些都是一些文化差異。

當晚早一點去到相約等候的地方，在佈置花車時見到新郎拿着簡單的結婚用品來到，在駕駛期間新郎突然俾咗封利是我，在沿途大家都有講有笑。好快到達女家樓下，新郎叫我唔好行開一定要喺度等，在車內等候大約30分鐘後，突然見到他們急急腳衝上車話要15分鐘返到男家，否則錯過吉時。由元朗返天水圍計埋燈位都應該可以，沿途新郎叫我落車後幫佢哋影相。好彩夜晚真係冇乜車，用咗12分鐘就返到男家樓下，最後連相都冇影，他們向我道謝就跑走了。在拆除花車裝飾時，突然想起車內的利是，立即走去打開利是睇吓（其實唔係在意入邊有幾多錢，平時都係返到公司先拆開），好在打開來時候沒有什麼可怕的事情，我諗大概我細個時睇得太多港產片先至會咁好想像力！