沙田區結婚出門可以多一間酒店選擇 – 沙田帝逸酒店 ALVA HOTEL BY ROYAL

之前如果係沙田區進行結婚花車工作,絕大多數都係會去沙田凱悅酒店酒店,或者間中會去沙田帝都酒店或沙田萬宜酒店。而家如果要喺沙田區出門或進門又可以多一間酒店選擇,這間就是沙田帝逸酒店 ALVA HOTEL BY ROYAL 。

今天新娘在這間酒店出門,所以我有幸在這一間新開張了三個月左右的新酒店進行花車工作,雖然我冇睇過通勝今日係唔係好日子,但我從公司的訂單中也知道今日好多人結婚,後來啲同事同我講可能今日係”易拎易拎日日發” 2020年1月18日。平時這些結婚的好日子出門的酒店停車場都一定非常爆滿,但今天來到這間新酒店先至發現他們的酒店大堂停車場非常大。注意我所講的是酒店正門外面的停車場,不是酒店地庫或其他入口的停車場。因為新娘出門最重要就係架車停得靚靚地,可以讓新人喺酒店大堂正門高高興興上落車。就連喺半島酒店門前這麼小的停車地方,只要你同酒店門口職員講話要新人上落車,他們都會立即叫走其他車讓結婚花車在酒店正門前上落新人。之前聽過啲大妗姐講以前啲小三先至會喺側門出門及進門,所以這些大堂門前能停車的酒店一般都會是新人們的首選酒店。

 

在沒有酒店職員的引導下,隨便搵個位停泊住先

 

酒店門前的停車位非常之大,在結婚旺季時應該可以停泊很多花車。這是香港的酒店並不常見的。

 

在酒店停車場旁邊有一個幾精緻的咖啡坐,這裏咖啡的價格也不是太貴大約$50左右

 

客人需要預訂了我們的 Tesla Model X 結婚主花車及28座旅遊巴花車套餐,但安排我早兩小時到酒店。今天一去到酒店,出奇地發現全場得我一架結婚花車,就連其他車都冇乜。就連攝影師都同我講講笑一陣可以點影相都得。攝影師問我可否把車上的結婚花車佈置拆下來,讓他們拍攝新人新郎和兄弟安裝結婚花車佈置的整個過程。我當然沒有問題,好彩新郎預備了充足的影相時間,他們一點也沒有浪費這個非常好的拍攝環境。攝影師也指示我停泊在多個位置讓他們影更加多相,新郎同兄弟同架車影左好耐,又扮司機、又比翼雙飛、又玩兄弟新郎塞爆車等指定影相動作,最後足足影了一個鐘頭。佢哋影到攰就坐喺酒店旁邊的咖啡店飲嘢,而佢哋都好有心買咗杯咖啡比我。唔知係唔係因為新酒店的關係,啲員工雖然後生,但非常友善親切友善。就連我問門口負責開門的酒店員工洗手間在哪裏。他也親自帶我去到餐廳的廁所門口。酒店雖然唔算好大,但內部的設計都非常有心思及精細,之前喺啲旅遊雜誌睇過好似係一位出名的日本設計師設計。所以我諗新人應該喺酒店內都影唔少靚相。

 

新郎兄弟影完相,一齊入酒店接新娘

 

有時我覺得環境氣氛好影響所有人的心情,我見今日無論係新人、兄弟姊妹、化妝師及攝影師等人都好像心情好好,大家的興奮程度、笑容笑容及工作態度都處於一個非常高的狀態。我唔係要幫這間酒店賣廣告,但我會覺得這間酒店將來會作為很多新人出門酒店熱門選擇。當然這間酒店也有缺點的,就是他被一些工廠大廈包圍着,少了一些高級酒店的感覺,只要唔好影遠景應該問題不大。但同樣地我也知道他的房租非常合理,遲啲夏天我也會同家人過來住下。

 

今天客人選用了我們提供的花車佈置,這一對熊公仔其實我覺得幾靚,但唔係好多客人選擇使用。

新郎接新娘落樓後,我把 Tesla Model X 結婚花車車停在停車場正中央比佢哋影相,之後便開始向目的地男家出發,沿途雖然有少少塞車,但最後仍然比原本預訂的租用時間早了90分鐘到達目的地。可能新人已經在酒店影得太多相,所以到達後都只係喺車頭影多一兩張就離開。最後我與新人進行了簡單的恭賀及道謝後,我便完成這天的花車租借工作。今天我也過得非常快樂,因為早了90分鐘完成花車工作及我與結婚花車前後總共收了四封利是,為什麼收費的結婚花車都有利是?因為有時新人會放兩封利是在結婚花車車頭,這是用來壓花車用!  我再次恭祝陳生陳太你哋”結婚快樂,白頭到老”。