今天在尖沙咀會合新人後並不是去任何酒店或男家女家，而是連同攝影師化妝師等人一起去迪士尼樂園酒店及迪欣湖拍攝結婚照片。平時一般客人影婚紗照通常都是租用客貨車或七人車，大家可能奇怪拍攝結婚照片又關我事?其實因為新人已經預訂了大日子當天租用Model S為結婚花車，而他們又想結婚照片中Model X ,所以用一個較優惠的價錢租用Model X給他們影結婚相。

 

到達迪士尼酒店時天氣真係麻麻地，又凍又落雨，新人都只在酒店室內影吓相。好在晏少少見到停雨及有少少陽光我們即刻揸車去迪欣湖影戶外相，見到佢哋在咁凍嘅天氣下仍然爭取時間努力拍攝，所以今日我嘅工作除咗係司機外仲係外賣仔，附近沒有翠華我只可在七仔買了幾杯熱咖啡給他們，大家在小小溫暖下，開開心心又過一個下午。 希望你們的結婚相有好效果及一切順利，三月大日子見 🙂