屬於佢哋的情歌

結婚花車停泊在大學宿舍外的車位,令我諗起以前我哥哥在中文大學讀書的時候我也來過這裏幫佢搬運物件

今日一早在出門的熱門酒店”沙田凱悅酒店”出發,在其他行家口中得知沙田凱悅酒店提供的結婚出門套房價格優惠,所以真係好多新人選擇喺這間酒店進行出門儀式,我大概差不多每一個月也會來這間酒店一至兩次接載新人。今天結婚花車要去的地方也都是在附近,分別是中文大學及科學園。在之前 WhatsApp討論預訂花車的時候,新郎了解過我們的 Tesla Model S 結婚花車及28座小巴價格後,決定用我們的租車服務,新郎問我大日子當天可唔可以喺車上播放佢安排的歌曲,佢話之前問過其他結婚花車租賃公司都不能答應。我當然沒有問題,因為架車有 Spotify,之後新郎俾咗個有10多首歌的playlist我,在大日子前兩三天我為佢準備好當天播放的歌曲,大致上都是一些 Jason Mraz, Bruno Mars 和 Take That 等熱門英文情歌。行程中播左幾首歌後,新娘應該發現歌曲是有特別安排的,之後佢哋就講返以前喺美國睇演唱會的回憶。這些歌我平時只會在電台播放時聽下,原來對於一些情侶是這麼多回憶。現在間中我都會開當天個playlist來聽歌,聽聽下又覺得真係幾好聽!PS: Just the way you are 真係好啱結婚用 🙂